Bisedimet midis Moskës dhe Kievit mund të zgjasin edhe disa javë, tha këshilltari i zyrës presidenciale të Ukrainës, Mikhail Podolyak për Bloomberg TV.
“Negociatat mund të zgjasin disa javë ose edhe më gjatë, për shkak të disa çështjeve ligjore që janë të papajtueshme me njëra-tjetrën,” tha Podolyak.
Ai tha se kërkesat kryesore të Ukrainës ishin “armëpushimi, tërheqja e trupave (ruse) dhe zgjidhja politike në lidhje me territoret e diskutueshme”.
Raundi i parë i bisedimeve ruso-ukrainase u zhvillua më 28 shkurt në Bjellorusi. Më vonë, palët u takuan më 3 dhe 7 mars, gjithashtu në Bjellorusi. Më 10 mars, ministri i jashtëm rus Sergej Lavrov dhe ministri i jashtëm ukrainas Dmitry Kuleba u takuan në Antalia të Turqisë. Aktualisht, sipas mediave ruse, negociatat vazhdojnë çdo ditë përmes një lidhjeje video.
