Presidenti ukrainas Volodymyr Zelenskyy në një deklaratë pak para orës 2 të mëngjesit me orën lokale, është shprehur se bisedimet me Rusinë po duken ‘më realiste’, por se duhej më shumë kohë që çdo marrëveshje të ishte në interes të Ukrainës.
Zelensky bëri këtë deklaratë pasi ekipi i tij tha se një marrëveshje paqeje që do t’i japë fund pushtimit të Rusisë në Ukrainë do të arrihet me Vladimir Putinin brenda një ose dy javësh, kur trupave të Putint t’ju mbarojnë burimet.
“Takimet do të vazhdojnë dhe jam i informuar se qëndrimet gjatë negociatave tingëllojnë më realiste. Por nevojitet ende kohë që vendimet të jenë në interes të Ukrainës”, tha Zelenskiy në një fjalim video të mërkurën, përpara raundit tjetër të bisedimeve.
Ndërkohë, Oleksiy Arestovich, një nga ndihmësit kryesorë të Zelenskyt, tha se lufta do të përfundonte brenda disa javësh dhe një marrëveshje paqeje do të arrihet kur trupave të Putinit t’ju mbarojnë burimet, por paralajmëroi se Rusia mund të sjellë përforcime të reja për të forcuar sulmin e tyre, gjë që mund të zgjasë konfliktin më tej. “Ne jemi në një degëzim në rrugë tani”, tha Arestovich.
“Ose do të arrihet një marrëveshje paqeje shumë shpejt, brenda një ose dy javësh, me tërheqjen e trupave dhe gjithçka tjetër, ose do të ketë një përpjekje për të bashkuar disa, të themi, sirianë për një raund të dytë dhe, kur t’i bluajmë edhe ata, marrëveshje do të arrihet nga mesi i prillit ose në fund të prillit”.
“Mendoj se jo më vonë se maji, fillimi i majit, duhet të kemi një marrëveshje paqeje. Ndoshta shumë më herët, do ta shohim”, është shprehur Arestovich.
