Shatatë shtetas janë vënë në pranga ndërsa dy të tjerë janë shpallur në kërkim në qytetin e Durrësit.
Shtetasit mësohet se janë autorë të veprave të ndryshme penale.
E.Q, Z.B, F.S dhe N.B akuzohen për drejtimin e automjeteve në mënyrë të parregullt, S.C akuzohet për vjedhje, I.K për plagosje me dashje ndërsa L.L për dhunë të ushtruar ndaj kunatës së tij.
Materialet i kaluan Prokurorisë, për veprime të mëtejshme.
Njoftimi i plotë i Policisë:
Vihen në pranga 7 shtetas, 2 prej tyre në kërkim.
Specialistët për Hetimin e Krimit në Komisariatin e Policisë Durrës ndaluan shtetasin E. Q., 28 vjeç, banues në Durrës, i shpallur në kërkim për veprën penale “Drejtimi i automjeteve në mënyrë të parregullt”, sepse më datë 02.03.2022, pasi ka parë shërbimet e Policisë, ka braktisur motomjetin që e drejtonte në mënyrë të parregullt.
Specialistët për Hetimin e Krimit në Stacionin e Policisë Plazh arrestuan në flagrancë shtetasin S. C., 34 vjeç, banues në Shënavlash Durrës, pasi është kapur nga shërbimet e Policisë, duke vjedhur në një pallat.
Specialistët për Hetimin e Krimit në Komisariatin e Krujës ndaluan shtetasin I. K., 47 vjeç, banues në Fushë Krujë, i shpallur në kërkim për veprën penale “Plagosja e lehtë me dashje”, pasi më datë 13.03.2022, ka goditur me mjete prerëse shtetasin A. L.
Po nga specialistët për Hetimin e Krimit u arrestua shtetasi L. L., 55 vjeç, banues në Thumanë, Krujë, pasi ka ushtruar dhunë fizike ndaj kunatës së tij.
Specialistët e Qarkullimit Rrugor arrestuan në flagrancë për veprën penale “Drejtimi i automjeteve në mënyrë të parregullt”, shtetasit Z. B., 31 vjeç, F. S., 37 vjeç dhe N. B., 55 vjeç, pasi janë kapur nga shërbimet e Policisë, duke drejtuar automjetet përkatëse, në gjendje të dehur.
Materialet i kaluan Prokurorisë, për veprime të mëtejshme.
