Një qytetar ka dalë që të protestojë edhe pse fill i vetëm në Gjirokastër, kundër rritjes së çmimeve dhe krizës ekonomike që ka përfshirë vendin. I veshur me bluzën me flamur kuqezi, ai fton me ironi të tjerë protestues të pakënaqur që të marrin fjalën, kur në fakt sheshi është bosh.
Madje ai paralajmëron se do të vijojë të protestojë, edhe sikur të mbetet i vetëm, çdo ditë, ndërsa nuk ngurron që t’u përmendë se qytetarët ankohen çdo ditë nëpër kafene, por askush nuk del që të ngrejë zërin.
“Kjo është një vjedhje masive që na bëhet nga oligarkët. Nga miqtë e Edi Ramës që kemi zgjedhur vetë. Ju dua të gjithëve në shesh, kush është i pakënaqur, kush ka dëshirë ta marri fjalën është i lirë ta marri. Protesta nis sot edhe do të vazhdojë çdo ditë edhe fill i vetëm këtu do të mbetem çdo ditë .’- shprehet ai duke jju drejtuar qytetarë, por sheshi është krejtësisht bosh. Ankoheni në kafe, por askush nuk del që të protestojë,”-thotë ai.
