Kryeministri Edi Rama iu përgjigj këtë të Martë kritikave se në fjalimet e tij “nuk i jep shpresë popullit”.
“Tashi, ca të bëj unë, unë nuk jam Malumja (Maluma). Unë nuk jam për të bërë koncerte, që shiko, hani, pini e këndoni, bëni qef. Kush do të shkojë te Malumja, shkon te Malumja. Unë kam për detyrë të them të vërtetën se unë besoj se e vërteta është e rëndësishme që ti shpresën ta ndërtosh mbi të vërteta”, tha Rama.
Gjatë një aktiviteti transmetuar këtë të Martë në faqen e tij në FB, Rama tha se më e keqja nuk është rritja e çmimeve, por një mundësi e mungesës së mallrave.
Ai sulmoi dhe protestat e qytetarëve kundër rritjes së çmimeve, duke përsëritur se kjo i shërben politikës së Moskës.
