Këngëtarja e famshme shqiptare, Dua Lipa prej vitesh i bën një super promovim kulturës dhe artit shqiptar kudo në botë.
Së fundmi, aristja ka marrë pjesë në hapjen e shkollës së parë në gjuhën shqipe në Teksas, Shtetet e Bashkuara të Amerikës. Ajo ka mbajtur edhe një fjalim rreth promovimit të gjuhës, kulturës dhe artit shqiptar.
Dua ka publikuar disa foto në Instagram ku shihen në prani të fëmijëve, duke mbajtur një fjalim e në një tjetër duke bërë simbolin e shqiponjës me duar.
Krah fotove, Dua ka shkruar: “Një nder që isha në hapjen e shkollës së parë në gjuhën shqipe në Teksas sot. Qëndra promovon kulturën, artin dhe muzikën shqiptare teksa ofron mësime gjuhe për fëmijët nga 5-15 vjeç”.
