Stefano Pioli ka parë sot Milanin e tij të shkojë në 5 pikë avantazh ndaj Interit që është ndjekësi më i afërt në renditjen e Serisë A, por ai përsëri nuk preferon të flasë për titullin kampion, pasi mendon se gara mund të ketë surpriza. Pas suksesit 1-0 ndaj Empolit, ai theksoi se gara mbetej e hapur për sa kohë që ekipet nuk kishin numër të njëjtë ndeshjesh.
“Duhet të ecim me arsyetimin se ndeshja e radhës është ndeshja më e rëndësishme, duhet të jetë kështu deri në fund të kampionatit.
Renditja është ende virtuale, pasi kundërshtarët tanë luajnë nesër, ka ende ndeshje që duhet të rikuperojnë. Mendoj se do të ishte më e rregullt nëse të gjithë do të kishin zhvilluar ndeshjet e tyre. Pastaj ne i besojmë atyre që duhet të vendosin për gjëra të tilla. Megjithatë, sot ishte një ndeshje e komplikuar dhe e menaxhuam mirë.
Kur do të flas për titullin? Në javën e fundit. Para ndeshjes së fundit. A është Juventusi brenda apo jashtë garës? Brenda, 9 ndeshje janë shumë, 27 pikë janë shumë. Të 5 skuadrat e para janë me siguri në garë për titullin”, tha ai pas duelit të sotëm.
