Pedagogu dhe aktivisti Ervin Goci komentoi në Syri Tv këtë pasdite protestën e qytetarëve të cilët prej pesë ditësh kundërshtojnë rritjen e çmimit të naftës dhe produkteve të shportës.
Goci tha se protesta nuk e ka arritur misionin e saj, por ka arritur qëllimin e vetes, organizimin. Pedagogu theksoi se Edi Rama është në urgjencë kombëtare që sjell vetëm probleme.
“Janë artikuluar disa gjëra që janë emergjente. Ka një kulm. I vemti kulm që kemi këtu është kulmi i neverisë dhe degradimit të një njeriu që ka 10 vite që vetëm grabit dhe vjedh. Kur shoh si i flet qytetarëve, apo ministren Balluku. Kulmin e protestës, aspiratave tona jemi shumë larg, por jemi të motivur”, tha Goci.
Ndër të tjera aktivisti tha se pesë protesta tregojnë që nervi dhe revolta e qytetarëve është shumë e madhe.
“Edhe sikur kjo protestë mos tja dalë në përmbushjen e kushteve të qytetarëve, do zgjasi me muaj e muaj. Rama e ka futur vendin në një hulli. Kemi detyre t’i japim njerëzve maksimumin. Ta çojmë këtë gjë në masivizim, në radikalizim nëse është nevoja”, tha Goci.
Aktivisti është i mendimit se kryeministri Edi Rama nuk mund të merret me problemin, por të krijojë probleme. Goci tha se Rama është superhajdut dhe i kapur nga të gjitha anët.
“Mbjell probleme. Është urgjencë kombëtare, nuk e di si mund të mbështetet ai. Faktet tregojnë se vota nuk është njësi matëse, është delegjitimuar tërësisht si process. S’mund të dalin me mijëra kur një njeri pretendon se ka shumicën. Vetëm ti japësh zë, si mund ta fshehësh këtë. E vetmja mënyrë që realisht do kishte zbehje, mund të vinte nëse Rama do merrte ndonjë masë për të stabilizuar situatën. Thotë nuk prek taksat, kujt ja fut duart? Grave? Taksat pra janë, ku i çon duart. Mos i fut në lingota ari, thasë me para publike?”-tha Goci.
Për ndalimin e gazetarëve që bëjnë punë e tyre në shesh, Goci tha se pushteti është jashtëzakonisht i dobët.
“Masat janë me ne, me kauzën. Kemi detyrën të shpërthejmë energjitë tona për të mirën publike.”-tha Goci në Syri Tv.
