Janë luajtur ndeshjet e javës së 13-të të Superligës në basketboll për meshkuj.
Teuta arriti një fitore të lehtë ndaj Dinamos në Durrës me rezultatin 104-76, ndeshje ku për asnjë moment nuk u vu në dyshim fitorja e ekipit vendës. 6 lojtarë të Teutës realizuan mbi 10 pikë, në një fitore kolektive.
Fitore të rëndësishme arriti Vllaznia, që mposhti 87-83 Kamza Basket, në një sfidë të ekuilibruar e të hapur deri në fund. Të dyja skuadrat e kërkuan fitoren, por në fund triumfoi skuadra shkodrane, ku u dallua Butler me 25 pikë, që i bëri të pavlefshme 30 pikët e Thanos për kamzalinjtë.
Tirana mposhti 84-68 Partizanin në derbin kryeyqtetas, një ndeshje e komanduar gjatë gjithë kohës nga bardheblutë. Një sukses i merituar për Tiranën (Smith 21 pikë, Hyseangolli 20 pikë), që merr edhe renditjen e Superligës pas kësaj jave.
Superliga-Meshkuj, java e 13-të
Vllaznia – Kamza Basket, 87-83
Teuta – Dinamo, 104-76
Partizani – Tirana, 68-84
Renditja: Tirana 21 pikë, Teuta 20 pikë, Kamza Basket 20 pikë, Vllaznia 19 pikë, Partizani 16 pikë, Dinjamos 15 pikë.
