Juventus ka marrë fitoren e radhës në kampionat. Skuadra e Massimiliano Allegri-t ka mundur 2-1 Sampdoria-n në transfertë dhe ka shkuar përkohësisht vetëm katër pikë larg kreut të Serisë A.
Gjithçka ka shkuar mirë për Zonjën mbrëmjen e sotme. Një autogol i Yoshida-s ka zhbllokuar ndeshjen në favor të miqve, më pas, në minutën e 34-t, Morata ka dyfishuar avantazhin pas një penalltie të fituar nga Moise Kean.
Vendasit kanë patur një mundësi të artë në minutën e 74-t për të ngushtuar diferencat, por penalltia e Antonio Candreva-s, ish-lojtar i Inter-it, është ndalur nga një super pritje e Szczesny-t.
Gjithsesi, dorianët nuk janë demoralizuar dhe kanë arritur të rihapin ndeshjen në minutën e 84-t me Sabiri-n, por dy minuta para fundit ka ardhur goli i Morata-s që ka shuar shpresat e vendasve dhe ka fiksuar shifrat në 3-1.
