Lideri i grupit të famshëm “Kiss”, Gene Simmons, ka bërë thirrje që të anulohen koncertet në Rusi.
“Ne nuk do të shkojmë, ka një çështje më serioze sesa të bësh një koncert rock,” tha Simmons për TMZ kur u pyet për grupet që ende performojnë në Rusi.
I pyetur nëse do të kishte një justifikim të mundshëm që artistët të jepnin një koncert në Rusi, ai tha: “E vetmja pozitive e mundshme mund të ishte nëse një grup shkon atje dhe bën deklarata politike në skenë, diçka me të cilën zakonisht nuk jam dakord. Por kjo është përtej politikës. Kjo është thjesht një çmenduri.
Problemi është se nëse një grup perëndimor jep një koncert në Rusi, ai jep kredencialet – një fitore politike për gënjeshtrat e qarta të Putinit. Unë do të rekomandoja që askush të mos shkojë atje, thjesht ta bllokojë atë. Mos pini vodka ruse, thjesht ndaloni.”
Kujtojmë se në vazhdën e pushtimit rus të Ukrainës muajin e kaluar, shumë artistë kanë njoftuar anulimin e koncerteve të planifikuara.
