Imazhe grafike të trupave të vdekur dhe të plagosur ukrainas nga beteja e përgjakshme që po zhvillohet në Donjetsk janë publikuar nga AP, duke provuar deklaratën e orëve të vona të mbrëmjes nga Volodymyr Zelensky, i cili tha se: “Toka e Soledarit është e mbushur me kufoma”.
Masakra në Soledar (rajoni lindor i Donetskut) vjen teksa Rusia përpiqet të përfundojë marrjen nën kontroll të plotë të qytetit të minierave të kripës.
Volodymyr Zelenskyy, presidenti i Ukrainës, foli gjatë natës për kufomat e shpërndara nëpër tokë duke folur për mijëra të vrarë.
“Gjithçka është shkatërruar plotësisht, pothuajse nuk ka mbetur më jetë”, tha ai.
“Mijëra njerëz kanë vdekur. E gjithë toka pranë Soledarit është e mbuluar me kufomat e pushtuesve dhe plagët nga goditjet. Kështu duket çmenduria. Beteja për Donbasin vazhdon. Dhe megjithëse pushtuesit tani kanë përqendruar përpjekjet e tyre më të mëdha në Soledar, rezultati i kësaj beteje të vështirë dhe të gjatë do të jetë çlirimi i të gjithë Donbasit tonë. Falënderoj të gjithë luftëtarët tanë që mbrojnë Bakhmutin dhe demonstrojnë qëndrueshmëri maksimale! Falënderoj të gjithë luftëtarët në Soledar që u bëjnë ballë sulmeve të reja e edhe më të ashpra të pushtuesit!”, shtoi Presidenti i Ukrainës.
Sakaq fotot e publikuara nga AP janë shumë të rënda dhe tregojnë ushtarë ukrainas të rënë në betëjë për të mbrojtur qytetin dhe të tjerë të plagosur e mbuluar në gjak që tërhiqen nga bashkëluftëtarët e tyre.
