I njohur si njeriu i memeve, aktivisti genc Sejko, ka ironizuar mbledhjen e sotme të Grupit Parlamentar të PD, ku iu kërkua dorëheqje Lulzim Bashës, por pas 6 orë debatesh, nuk u arrit asnjë vendim final.
Sejko bën një krahasim mes kësaj mbledhjeje dhe orkestrës së Titanik, që i binte veglave ndërsa anija mbytej.
“Mbledhja e grupit parlamentar të Partisë Demokratike në kohën kur e gjithë Shqipëria është në krizë të thellë, më ngjan shumë me orkestrën e Titanikut që i binte veglave ndërkohë që anija mbytej”, shkruan Sejko në rrjetin social.
Në fakt deputetët e PD ishin mbledhur në seli në kohën kur në bulevardin “Dëshmorët e Kombit” disa mijëra qytetarë protestonin për rritjen e çmimeve, ndërsa protestat kanë hyrë në ditën e 4-rt dhe duket se kanë detyruar Edi Ramën që të artikulojë disa masa, pasi para fillimit të protestave kërkonte nga qytetarët që të shtrëngonin dhëmbët, apo të mos përdorinin makinat.
