Gazetarja Nertila Haxhia u dhunua nga policia në protestën qytetare, e cila hyri në ditën e 3-të sot, ku mijëra qytetarë anembanë vendit shprehin revoltën e tyre, kundër rritjes së çmimeve.
Përgjigjia e vetme që kanë marrë deri më tani qytetarët për kërkesat që kanë paraqitur është dhuna policore, ku pas ditës së parë, policia e drejtuar nga Gledis Nano, po sillet jo më si një polici shteti, që duhet të garantojë edhe të drejtat e qytetarëve, por si një mbrojtëse e flaktë e pushtetit të Edi Ramës.
Përmes postimeve në rrjetet sociale, Haxhia shkruan se është goditur nga dy burra, dy efektivë policie, të cilët ndoshta për zellin e treguar në dhunimin e atyre që guxojnë të protestojnë ndaj Edi Ramës, mund të marrin edhe dekorata, të fitojnë gradat policore, pse jo edhe të shfaqen si drejtues të strukturave të dhunës.
Haxhia shkruan në rrjet se është goditur në kraharor dhe me shkelma këmbëve, ndërsa ajo përpiqej të nxirrte nga turma një vajzë të cilët njerëzit po e shynin përpara.
Gazetarja ka përfunduar në spitalin e traumës ku i është nënshtruar ekzaminimeve, ndërsa shkruan se nesër do të jetë në protestë, nga ku do ti japë përgjigje edhe policëve dhunues.
