Avokati Adriatik Lapaj, nga protesta e cila po zhvillohet para Kryeministrisë në Tiranë, i ka bërë thirrje ministres së Energjitikës dhe Infrastrukturës, Belinda Balluku se para se ti thotë qytetarëve të ecin në këmbë duhet të heqë dorë nga eskortat që e shoqërojnë.
“Zonjë e nderuar, para se të na këshillosh që ne të ecim në këmbë, hiq dorë nga eskortat që të shoqërojnë, kur shkon të lyesh edhe flokët.
I bëj thirrje Edi Ramës që të dëgjojë zërin e qytetarëve dhe të reflektojë, boll më. Ne nuk ndalemi më, do të mblidhemi në Tiranë për të drejtat tona, boll më me shurdhëri.
Ka lajme të mira sot, po protestohet në Lushnje, në Shkodër, Berat e Lezhë. Shqiptarët po reagojnë, do mblidhemi të shtunën në Tiranë, në orën 11:00”, tha Lapaj.
