Pas protestës së një dite më parë në Tiranë, ku morën pjesë me mijëra qytetarë kundër rritjes së çmimeve, qytetarët janë sensibilizuar dhe kanë protestuar edhe në zona të tjera të vendit. Një ditë më parë u protestua edhe në Durrës e Shkodër, ndërsa këtë të enjte protestuan edhe banorët e Kukësit.
Ndërkohë, rreth orës 13:00 të së enjtes, banorët e Prrenjasit kanë bllokuar aksin nacional, duke krijuar trafik për disa kilometra me radhë.
Ata kërkojnë reagim të menjëhershëm të qeverisë që të marrë masa për rritjen e çmimeve. Gjatë protestës ka pasur mundësi të kalojë vetëm një ambulancë, ndërsa situata ishte e qetë mes dhjetëra personave të bllokuar në trafik, të cilët në këtë rast u bashkuan me protestuesit me thirrjet e tyre për kërkesat e drejta.
