Serbia është një nga shtetet që ka mbajtur një qëndrim të dyfishtë sa i përket konfliktit mes Ukrainës dhe Rusisë, duke shprehur mbështetje për Ukrainën por nga ana tjetër duke ruajtur dhe marrëdhëniet me Moskën zyrtare.
Së fundmi presidenti Aleksandër Vuçiç ka deklaruar se Serbia nuk do të mund të thoshte kurrë se “Kosova është pjesë e Serbisë”, nëse nuk do t’i bashkohej dënimit të pushtimit rus në Ukrainë.
“Serbia duhet të respektojë integritetin territorial dhe ta bazojë politikën në këtë. Ne i respektojmë normat ndërkombëtare, mbajtjen e Kosovës si pjesë të Serbisë. Nëse s’do të dënonim pushtimin e Ukrainës, ne nuk do të kishim kurrë të drejtën morale të përdornim këtë argument”, tha Vuçiç për B92.
Vuçiç ka shtuar se nga e enjtja nuk do të ketë më eksporte të miellit, grurit dhe vajit nga Serbia, pasi sipas tij, vendi ka mjaftueshëm për veten dhe rajonin.
