Ambasadorja amerikane në vendin tonë ka festuar krah kryebashkiakut të Tiranës, mes rastin e Ditës së Gruas.
Lajmin e bën me dije ambasada amerikane përmes një njoftimi në rrjetet sociale, ku saktësohet se Erion Veliaj dhe Juri Kim kanë festuar së bashku, në kuadër të një aktiviteti të organizuar.
“Ambasadorja e Shteteve të Bashkuara të Amerikës Yuri Kim iu bashkua Kryetarit të Bashkisë së Tiranës Erion Veliaj, grave aktiviste, artisteve dhe gazetareve për të festuar Ditën Ndërkombëtare të Gruas duke prezantuar muralin “’Gjurmët tona’”, thuhet në reagim.
“Ambasadorja tha se Ambasada është krenare që mbështeti krijimin e pikturës murale, e cila përshkruan boshllëkun e lënë pas nga gratë e dhunuara dhe të vrara. Ajo vuri në dukje se mënyra më e mirë për të nderuar këto gra është duke luftuar për drejtësi, dinjitet dhe barazi për të gjithë dhe se Shtetet e Bashkuara janë krenare që qëndrojnë krah për krah me Shqipërinë për barazinë gjinore. Ambasada e Shteteve të Bashkuara bashkëpunoi me BASH-ART për të krijuar muralin, duke përdorur fuqinë e artit për të bërë thirrje për një botë të barabartë, paqësore dhe të sigurtë”, thuhet më tej në reagim.
