Republika Çeke është gati të dërgojë 650 trupa në Sllovakinë fqinje mes shqetësimeve të sigurisë në krahun lindor të NATO-s si dhe krizës në rritje të refugjatëve jashtë Ukrainës pas pushtimit rus.
”Shumica e trupave do të ishin pjesë e një force shumëkombëshe që do të përfshinte gjithashtu ushtarë holandezë dhe gjermanë, ndërsa pjesa tjetër do të ndihmonte në përpjekjet për refugjatët”, sipas kabinetit çek.
”Nuk ka kohë për të humbur në funksion të sulmit rus në Ukrainë”, theksoi ministrja çeke e Mbrojtjes, Jana Cernochova.
Ajo theksoi se vendi i saj ka ofruar të marrë komandën e grupit të ri të betejës të NATO-s.
Mandati i qeverisë për trupat do të zgjasë deri më 30 qershor 2023.
Propozimi ende nuk është miratuar nga parlamenti çek, megjithëse konsiderohet një formalitet, duke pasur parasysh shumicën qeverisëse.
Misioni pritet t’i kushtojë Republikës Çeke 21 milionë euro.
