Bardh Spahia i “Shtëpisë së Lirisë” vijon kryesimin në garën për Bashkinë e Shkodrës, ndërsa ruan diferencën me kandidaten socialiste me rreth 2.000 vota.
Sipas KQZ-së, janë numëruar 225 nga 250 qendra votimi, që janë në total.
Bardh Spahia ka 18.460 vota.
E dyta ndjek Majlinda Angoni e PS-së me 16.465 vota.
Xhemal Bushati i PD-së së Bashës renditet i fundit me 6.874vota.
Shkodra ishte një nga 6 bashkitë ku një ditë më parë u zhvilluan zgjedhjet e pjesshme lokale.
Deri më tani, pesë bashki i kanë fituar socialistët, Vorën, Rrogozhinën, Lushnjen, Dibrën dhe Durrësin.
PD e Bashës është renditur forcë e tretë në 5 nga 6 bashki.
