Nëse ka një garë të fortë përveç titullit në Premier League, është ajo për vendin e katërt që të çon në Champions League.
Janë tri klube të mëdha, Arsenal, Man. United dhe Tottenham që pretendojnë ta arrijnë që të shkojnë në kompeticionin më të rëndësishëm por sot atë pozicion e merr ekipi i Artetas.
Në transfertën me Watford, një derbi i Londrës, Arsenali triumfoi edhe pse me pak drithërima në fund me rezultatin 3-2, që do të thotë suksesi i katërt radhazi. Odegaard hapi serine e golave që në 5’ ndërsa Hernandez vuri barazpeshën 6 minuta më pas në një duel shumë të fortë.
Saka në 31’ dhe Martineli në 52’ e çuan në 3-1 rezultatin për miqtë që duket se e morën fitoren por Sissoko hap ndeshjen në 87’ duke i bërë minutat e fundit emocionuese por pa gola të tjerë. Me këtë sukses Arsenali merr vendin e katërt dhe sigurisht që i ka sytë tani te derbi i Manchesterit.
