Një 40-vjeçar me inicialet K.F., është shpallur në kërkim nga Policia e Dibrës pasi akuzohet se ka goditur me sende të forta sekretarin e komisionit të qendrës së votimit nr.1132.
Shkaqet dhe rrethanat e ngjarjes mbeten ende të paqarta ndërsa mësohet se ka qenë vetë i dhunuari, Q.S., i cili ka bërë kallëzim në polici.
Njoftimi i Policisë
Nga Specialistët për Hetimin e Krimit në Komisariatin e Policisë Dibër u bë shpallja në kërkim policor dhe po punohet për kapjen e shtetasit K. F., 40 vjeç, banues në njësinë Administrative Melan, Dibër.
Ndaj këtij shtetasi ka bërë kallzim shtetasi Q. S., 56 vjeç, banues në njësinë Administrative Melan, (Sekretar i Komisionit të qendrës së votimit nr 1132), se jashtë ambienteve të kësaj qendre e ka goditur me mjete të forta.
Materialet procedurale i kaluan Prokurorisë pranë Gjykatës së Shkallës së Parë Dibër për veprën penale “Kanosja apo dhunimi i pjesmarrësve në zgjedhje”.
