Policia ruse arrestoi të dielën rreth 3,500 njerëz në protesta në të gjithë vendin, duke përfshirë 1,700 në Moskë dhe 750 në Shën Petersburg, njoftoi agjencia ruse e lajmeve TASS, duke cituar ministrinë e brendshme.
Videot e postuara në mediat sociale, të publikuara nga kritikët e Kremlinit, tregojnë qindra njerëz që marshojnë nëpër Moskë duke thirrur “Jo luftës!” dhe “Turp!” shkruan Reuters.
Presidenti ukrainas Volodymyr Zelensky u bëri thirrje drejtpërdrejt rusëve të dielën të dalin në rrugë për të protestuar kundër pushtimit të vendit të tij nga Kremlini ose rrezikojnë varfërinë dhe represionin në vendin e tyre.
Mijëra njerëz janë arrestuar në Rusi që nga java e kaluar në shenjë proteste ndaj pushtimit rus të Ukrainës ose, siç duan të thonë autoritetet ruse, “operacioneve speciale ushtarake” që filluan më 24 shkurt.
Rusët tani po përgatiten për një të ardhme të pasigurt dhe të izoluar.
Përkatësisht, sanksionet ndërkombëtare e kanë shtyrë ekonominë në krizë, dhe autoritetet po merren me media të pavarura dhe kanë qasje të kufizuar në Facebook dhe rrjete të tjera sociale.
“Qytetarë të Rusisë! Për ju, kjo nuk është vetëm një luftë për paqen në Ukrainë! Kjo është një luftë edhe për vendin tuaj”, tha Zelenski në një fjalim televiziv në rusisht.
“Nëse heshtni tani, vetëm varfëria juaj do të flasë për ju më vonë dhe përgjigja do të jetë represioni,” tha ai.
Të gjitha format e protestave në Rusi u bënë të paligjshme në fillim të pandemisë së koronavirusit, siç shpjeguan autoritetet ruse, për arsye sigurie.
“Ashtu si populli ukrainas, rusët tani janë përballur me një zgjedhje midis jetës dhe skllavërisë,” u tha Zelensky atyre, duke shtuar se “sot, në ditën e njëmbëdhjetë të pushtimit, forcat ruse vazhdojnë të sulmojnë dhe përgatiten për të bombarduar portin e Detit të Z dhe Odesës”.
