Sot do të nisë armëpushimi i përkohshëm dhe evakuimi i civilëve nga qyteti juglindor i Mariupolit, i cili prej disa ditësh është i rrethuar nga forcat ruse.
BBC ka ndarë informacion nga këshilli i qytetit të Mariupol.
-Armëpushimi do të zgjasë nga ora 09:00-16:00 me orën lokale (07:00-14:00 GMT).
-Evakuimi i civilëve do të fillojë në orën 11:00 me orën lokale (09:00 GMT).
-Rruga e korridorit është nga Mariupol në Zaporizhzhia, një qytet në perëndim.
-Autobusët do të nisen nga tre lokacione në qytet dhe transporti privat do të lejohet gjithashtu të udhëtojë përgjatë itinerarit të dhënë.
-Bashkia e qytetit u kërkon drejtuesve të mjeteve të shfrytëzojnë plotësisht të gjithë hapësirën që kanë në automjetet e tyre.
-Udhëtimi larg itinerarit të rënë dakord është rreptësisht i ndaluar.
