Ambasadori rus në SHBA, Anatoly Antonov ka komentuar deklaratat e bëra nga një senator i SHBA-ve, se Putini duhet eliminuar.
Antonov u shpreh se të tilla komente janë të egra dhe të papranueshme.
“Këto deklarata janë të papranueshme. Kjo tregon se urrejtja dhe rusofobia në Shtetet e Bashkuara të Amerikës ndaj Rusisë kanë shkuar përtej logjikës”.
Sipas Antonov, deklaratat e Graham në fakt po mbrojnë një akt të terrorizmit, për të çuar përpara qëllimet e Uashingtonit.
Moska tha se ndihet e shqetësuar për të ardhmen e kombit amerikan, duke shtuar se është e papranueshme që në SHBA ka politikanë që bëjnë deklarata “ekstremiste”.
Kujtojmë se senatori amerikan Linddseuy Graham deklaroi një ditë më parë se e vetmja mënyrë për të ndaluar luftën është që të vritet Vladimir Putin.
