Kryeministri Edi Rama ka mbyllur fushatën për Bashkinë e Shkodrës me një takim, nga ku ka kërkuar votën e shkodranëve për ta kthyer qytetin në lokomotivë të punës dhe ndryshimit për gjithë qarkun. Rama ka bërë thirrje për të votuar kandidaten e PS, Majlinda Angoni, ndërsa theksoi se shkodranët duhet të zgjedhin dhe mes dy alternativave që nuk kanë të bëjnë as me pasurinë apo të ardhmen e qytetit por me luftën mes dy individëve, luftë personale për qëllime krejt personale.
“Njëri se do të kthehet me cdo kusht nga bota tjetër, dhe tjetri se nuk do të ikë atje ku e meriton”, tha Rama.
Në vijim ai shtoi se ata kanë sjellë njerëz këtu për tu kërkuar vota qytetarëve, ndërkohë që s’kanë lidhje me ta.
“Me 6 mars nuk do zgjidhet midis alternativash politike, as midis Europës dhe Amerikës apo Amerikës dhe interesave të njërit apo tjetrit. Nuk do zgjidhet me 6 mars as politikat e mëdha ekonomike e shoqërore se për këtë është bërë zgjedhja në gjithë Shqipërinë.
PD nuk ka lidhje më me jetën e qytetarëve por një karshillëk, dhe ana tjetër ku njeriu në krye di vetëm të humbasë. Qytetarët do zgjedhin nëse e duan qytetin më të pastër apo më të pisët.
Do zgjedhin për të pasur më shumë vëmendje nga bashkitë në lagjet e tyre apo për të vazhuar me gropat që thellohen, një komunitet për të cilin bashkia ka vëmendje apo një tjetër gjithmonë e më larg vëmendjes.
Bashkia e Shkodrës ka bërë të njëjtën zgjedhje dhe ka dhënë të njëjtin rezultat mizerabël krahasuar me bashkitë e tjera të Shqipërisë. Kjo nuk ka lidhje me do apo nuk do qeveria sepse ne kemi bërë çfarë kemi mundur duke u përballur me rezistencën e pakuptimtë të bashkisë, që me stadiumin dhe restaurimin e teatrit apo muzeu i fotografisë”, tha Rama.
