Ukrainasit duket se janë kthyer në një barrikadë për avancimin e trupave ushtarake ruse, pavarësisht bombardimeve me artileri dhe raketa që u bëhet edhe zonave ku qëndrojnë civilët.
Por ajo që ka tërhequr vëmendjen e mediave botërore është sjellja e qytetarëve nga vjen edhe presidenti ukrainas Volodomir Zelensky.
Sapo hyn në Kryvyi Rih sheh një tabelë të madhe ku shkruhet ‘Mirë se erdhe në ferr okupator rus’.
Në këtë qytet minerar, banorët janë organizuar për t’i bërë ballë çdo sulmi, ndërsa deklarojnë se do të japin jetën për vendin dhe presidentin etyre i cili tashmë ëhstë kthyer në herioin e botës.
“Të gjithë ne këtu dhe në Ukrainë jemi bashkë krah Zelenskit. Ai është një luftëtar i guximshëm që zgjodhi të qëndrojë në mesin e popullit të tij dhe t’i bashkojë ata, Ai na ka frymëzuar. Nuk ka të bëjë vetëm me mbështetjen tonë për të, por me mbështetjen e tij për ne. Ai duhet të dijë se qyteti i tij është gati për të luftuar “tha kreu i administratës ushtarake të qytetit, Aleksandr Vilkul, dikur një rival politik i Zelensky, të cilin e njeh që kur ishin studentë në universitetin lokal.
