Çekia do të dërgojë pajisje shtesë ushtarake në Ukrainë, me qëllim që ta ndihmojë vendin në betejën kundër Rusisë.
Paketa, e cila vlen 17 milionë korona (600 mijë euro), përfshin qindra mitralozë dhe pushkë sulmi dhe më shumë se 100 mijë fishek, shkruajnë mediat ndërkombëtare.
Kryeministri çek njoftoi më herët se shtetasit e tyre do të kenë mundësinë të bashkohen me forcat mbrojtëse të Ukrainës për të luftuar pushtimin rus.
Sipas ligjit çek, është e paligjshme bashkimi me forcat e armatosura të huaja pa përjashtim nga presidenti, i cili është komandanti i përgjithshëm i ushtrisë së vendit.
Shumë shtete kanë ofruar mbështetje ndaj Ukrainës, humanitare apo në pajisje ushtarake.
