Ambasada e SHBA-së në Ukrainë tha se sulmi ndaj një centrali bërthamor është një krim lufte pasi Rusia kapi një objekt bërthamor të Ukrainës, më i madhi në Evropë.
“Është krim lufte të sulmosh një central bërthamor. Bombardimi i centralit bërthamor më të madh të Evropës nga Putini e çon sundimin e tij të terrorit një hap më tej”, thuhet në postimin e Ambasadës së SHBA-së në Kiev.
Forcat ruse kapën termocentralin më të madh bërthamor të Evropës të premten në luftime të ashpra në Ukrainën juglindore, duke shkaktuar alarm global, por një zjarr i madh në një ndërtesë trajnimi është shuar dhe zyrtarët thanë se objekti tani ishte i sigurt.
Ministria ruse e mbrojtjes fajësoi në mënyrë të rreme zjarrin në uzinë për një “sulm monstruoz” nga diversantët ukrainas dhe tha se forcat e saj ishin në kontroll, raportoi Reuters.
