Andriy Voronin, që dikur ka luajtur me Liverpool në Angli, ka deklaruar se është i gatshëm të marrë armët dhe të luftojë me Forcat e Armatosura ukrainase, kundër pushtimit të vazhdueshëm të vendit.
Voronin nuk ka ngurruar që ta quajë Putinin një “bir ku****”. Voronin, një lojtar i kombëtares ukrainase, me të cilën ka zhvilluar 75 ndeshje, është detyruar të lërë punën e tij si ndihmës menaxher i Dinamos së Moskës, ndërsa forcat ruse vazhdojnë të përparojnë në Kiev dhe zonat përreth të vendit.
Pasi u largua nga Rusia, Voronin dhe familja e tij tani janë të sigurt në Gjermani, me 42-vjeçarin që i tha të përditshmes gjermane Bild se: “Nuk mund të punoja më në vendin që po bombardon atdheun tim”.
Kur u pyet se çfarë mund të bëjë më shumë Gjermania për të ndihmuar Ukrainën, ai tha “Ndalojeni birin e ku***, ndihmoni refugjatët”. Ai shtoi se duhen dërguar edhe më shumë armë në Ukrainë, që popullata të mbrohet nga agresioni i paprecedent rus.
Voronin theksoi se ndihet krenar për Ukrainën, duke shtuar se ukrainasit do të vazhdojnë të luftojnë për atdheun e tyre.
