Për Perëndimin, Vladimir Putin, tashmë pas pushtimit të Ukrainës, mund të përfundojë në burg, nën akuza për krime të luftës.
Ministri britanik i Drejtësisë, Dominic Raab, i cili është gjithashtu zëvendëskryeministër, u pyet nga Times Radio nëse ai e shihte përfundimin e konfliktit me presidentin rus “të burgosur për krime lufte”.
Raab tha: “Mendoj se Putin është një rrezik shumë real. Përtej situatës së tij personale, çdo komandant që vepron në Ukrainë, por sidomos në Moskë, kur ata përballen me urdhra të paligjshëm, qoftë për të shënjestruar civilët apo jo, për të sulmuar vende që nuk duhet, ata tani e dinë që gjykata penale ndërkombëtare po heton dhe kryeprokurori Karim Khan, besoj, po udhëton për në Ukrainë.
Ata duhet ta dinë tani se përballen me rrezikun real për të përfunduar në bankën e të akuzuarve të një gjykate dhe, në fund në burg, nëse zbatojnë ato urdhra të paligjshëm dhe të palejueshëm”.
Kujtojmë se edhe shumë diplomatë e figura të rëndësishme perëndimore kanë hedhur akuza shumë të rënda ndaj Putinit.
