Drejtuesi politik i PS në qarkun e Fierit, Taulant Balla ka mbajtur sot takimin përmbyllës të fushatës elektorale të PS në Lushnjë, ku u kërkoi qytetarëve që në zgjedhjet e pjesshme lokale të 6 marsit të votonin kandidaten Eriselda Sefa.
Balla gjithashtu dha një premtim për përroin e Lushnjës dhe gjithashtu edhe rikonstruksionin e Unazës së Madhe të qytetit. Deputeti socialist u shpreh se nëse këto projekte nuk përfundonin brenda një viti, ai nuk do shkelte më në Lushnjë.
“Unë e kam thënë, ju kam bezdisur por, o e mbyllim përroin e Lushnjës brenda këtij viti, ose unë nuk vij më në Lushnjë. E them këtë sepse nuk ka një derë ku të kem trokitur dhe të mos e ketë ngritur këtë sheqësim të madh.
Gjithashtu duhet bërë edhe rikonstruktimi i Unazës së Bashkisë së 7 të më madhe në vend. Jo pa qëllim sot me ne ishte edhe ministrja e Bujqësisë. E vërteta është se kemi shumë për të diskutuar. Prej datës 25 kanë filluar aplikimet në skemën kombetare të bujqësisë dhe sot po ja kërkoj ministres që të gjithë fermerët dhe blegtorët që përmbushin këto kritere të caktuara të përfitojnë nga skema e rimbursimit”– tha mes të tjerash Balla.
