Dy shqiptarë janë arrestuar në Perugia, ndërsa për një të tretë u vendos masa e sigurisë “detyrim paraqitjeje”, me akuzën për pengmarrje dhe dhunë seksuale në grup ndaj një 18-vjeçareje me origjinë nga Bregu i Fildishtë.
Hetimet nisën nga policia e Perugias pas denoncimit të bërë nga e reja e gjetur në Strada del Pantano, e shtrirë përtokë, duke qarë, me një thikë kuzhine pranë saj. Ajo u transportua në spital ku u shtrua në repartin e gjinekologjisë.
Sipas asaj që tregoi 18-vjeçarja, policët arritën të zbardhnin ngjarjen e ndodhur pak orë më herët.
Një shqiptar, të cilin e kishte njohur më parë, ishte ofruar ta shoqëronte nga një komunë në provincën e Arezzos, ku banon afrikania, në Firence. Ai e mori nga shtëpia e saj dhe me një arsye banale e çoi në një banesë, në periferi të Perugias, brenda së cilës ishin dy shqiptarët e tjerë.
Aty e reja u mor me zor e u detyrua të konsumonte alkool në sasi të madhe e të merrte në mënyrë të përsëritur kokainë.
