Linja mbrojtëse e Ukrainës po reziston kundër sulmit rus, deklaron Presidenti Volodymyr Zelenskiy në videon e tij të fundit të publikuar gjatë ditës së sotme.
“Ne nuk kemi asgjë për të humbur, përveç lirisë tonë,” tha Zelenskiy, duke shtuar se Ukraina po merr furnizime të përditshme me armë nga aleatët e saj ndërkombëtarë.
Zelenskiy tha se taktikat në ndryshim të Rusisë dhe bombardimi i civilëve në qytete dëshmuan se Ukraina ishte e suksesshme në rezistimin ndaj planit fillestar të Moskës për të pretenduar një fitore të shpejtë përmes një sulmi tokësor.
Në një fjalim emocional, Zelenskiy tha se ukrainasit kishin jetuar nëpër dy luftëra botërore, urinë e Holodomor, Holokaustin, terrorin Sovjetik, shpërthimin bërthamor të chernobilit si dhe aneksimin të Krimesë nga Rusia.
“Ne nuk kemi territorin më të madh … ne nuk kemi armë bërthamore, nuk sigurojmë naftë dhe gaz në tregjet ndërkombëtare. Por ne kemi njerëzit tanë. Ne kemi tokën tonë. Kjo është ajo për të cilën po luftojmë.”
Zelenskiy, në një mesazh për Presidentin rus Vladimir Putin, tha: “Shko ruaj folësit e tu rusë. Jo në të gjithë botën – por në shtëpinë tuaj. Ka shumë prej tyre atje, rreth 150 milion. Sa për këtu — Lavdi Ukrainës!”
