Autoritetet franceze kanë sekuestruar një jaht që i përket Igor Sechin, shefit ekzekutiv të kompanisë shtetërore ruse të energjisë Rosneft, si pjesë e sanksioneve të Bashkimit Evropian për pushtimin në Ukrainë.
Agjentët doganorë kapën anijen brenda natës pasi identifikuan Sechin si aksionerin kryesor të kompanisë që e zotëronte atë, tha ministria franceze e financave.
Jahti “Amore Velo” raportohet se kishte mbërritur në La Ciotat, Marseille, në janar për riparime.
Sechin, ish-zëvendëskryeministër i Rusisë, ka qenë CEO i kompanisë shtetërore ruse të naftës Rosneft që nga viti 2012. Sipas dokumentit të sanksioneve të Bashkimit Evropian, Sechin është një nga “këshilltarët më të besuar dhe më të afërt të Presidentit rus Vladimir Putin, si dhe mik personal”.
Më herët, Agjencia Gjermane e Lajmeve, DPA, raportoi se autoritetet vendase kanë sekuestruar superjahtin me vlerë 600 milionë dollarë në pronësi të miliarderit rus, Alisher Usmanov, në një port në Hamburg.
