Ministria e Arsimit në Rusi ka njoftuar se nxënësve të shkollave në të gjithë vendin do u jepet mësim virtual me temën “pse misioni çlirimtar në Ukrainë është një domosdoshmëri”.
Mësimi do të transmetohet çdo ditë në mesditë në orën 12:00 me orën lokale të Moskës, raportojnë mediat e huaja.
“Nxënësve do tu shpjegohet “për rrezikun që NATO përfaqëson për vendin tonë” dhe “përse Rusia u ngrit për mbrojtjen e civilëve të Republikave Popullore të Donetsk dhe Luhansk””, thuhet në njoftimin e Ministrisë së Arsimit të shtetit rus.
Deklarata shkon më tej, duke thënë se fëmijëve do u mësohet si të “dallojnë të vërtetën nga gënjeshtra, në lidhje me fotot e videot që qarkullojnë në internet për luftën në Ukrainë”.
