Një anije mallrash në pronësi të Estonisë është raportuar duke u fundosur në Detin e Zi, në brigjet e qytetit-port të Odessa, si rezultat i një shpërthimi që mendohet se është shkaktuar nga goditja me një minë detare.
Anija mendohet se është një nga shumë të raportuara se është përdorur nga forcat detare ruse si një lloj mburoje njerëzore përpara një zbarkimi të planifikuar për në Odessa.
Gazeta britanike “Daily Mail” raporton se katër anëtarë të ekuipazhit të anijes së mallrave “HELT” janë ende të zhdukur, ndërsa dy kanë braktisur anijen duke përdorur një varkë shpëtimi.
Anija thuhet se ishte kapur nga marina ruse dhe ishte përdorur prej tyre si një mburojë nga zjarri i drejtpërdrejtë, raporton “Daily Mail”, në një kohë kur anijet detare ruse thuhet se po i afrohen Odesës përpara një zbarkimi amfib.
Sipas raportimeve mediatike, ukrainasit kanë minuar plazhin për të shmangur zbarkimin e rusëve nga deti.
