Ermal Mamaqi ka folur ditën e sotme rreth zhurmës që u krijua nga komenti që bëri brenda shtëpisë së “Big Brother VIP”, por gjithashtu nuk ka lënë pa komentuar as moderatoren Bora Zemani.
Gjatë një interviste për emisionin “Abc-ja e mëngjesit”, Ermali foli për lidhjen që ka me këngëtaren Beatrix Ramosaj, duke thënë që e ka njohur që të vogël dhe e di që është një vajzë e mirë.
“Trixën e njoh që kur ka qenë e vogël, njoh familjen, tezen. E di që është një vajzë shumë e mirë. Ndoshta ngaqë ka qenë gjithmonë në përkujdesin e familjes, ndonjëherë pëlqen që, në kuptimin e mirë të fjalës po e them, të llastohet. I shkon ky por besoj se e ka kuptuar se nuk ishte për të. Nuk kam folur me të por jam i sigurt se nuk ka asnjë kundërshti kundrejt meje.”, tha Ermali.
Ermali u ndal dhe te Bora Zemani ku tha me humor se moderatores i është rritur shumë mendja pasi është përmendur shumë kohët e fundit.
“Kemi një problem, është një sfidë me Borën dhe uroj që të na shikojë dhe të ndryshojë mendimin e saj. Ngaqë u bë kjo zhurmë, i është rritur tangërlliku dhe ka një çmim të lartë. I bëj thirrje shikoje dhe njëherë ofertën se ndryshe folëm në fillim dhe ndryshe pas ‘Big Brother’-it. Borës i është rritur çmimi.”, tha ai.