Armando Broja luajti vetëm pjesën e dytë të sfidës mes Sauthemptonit dhe Uest Hemit. Sulmuesi shqiptar ishte protagonist absolut në fitoren 3-1 që arriti ekipi i tij.
20 vjeçari fitoi penalltinë tek goli i dytë dhe shënoi të tretin. Jo keq për 45 minuta lojë. Faqja e specializuar e statistikave “Sofa Score” e ka vlerësuar sulmuesin me notën 7.6. Përveç paraqitjes individuale vlen për tu theksuar që Broja u bë “shënjestër” nga kundërshtarët e tij, madje në një rast pësoi një grusht të fuqishëm.
Megjithatë kjo nuk e ndalon Armando Brojën i cili po rritet dita ditës në një prej kampionateve më të forta të botës.
