Çmimi i naftës kap shifra rekord në vend vitet e fundit. Nga një vëzhgim i kryer mëngjesin e sotëm, u pa se në disa pika të furnizimit me karburant në kryeqytet çmimi naftës i kalonte 200 Lekë për Litër.
Gjasat janë që çmimi të vijojë të rritet edhe më tej. Një muaj më parë, Ministrja e Financave Delina Ibrahimaj paralajmëroi se çmimi mund të rritet muajt në vijim dhe luhatja e tij varet nga bursa ndërkombëtare.
Deklaratë kjo e bërë para se Rusia të sulmonte Ukrainën ushtarakisht. Zhvillim ky që sipas ekspertëve pritet të përkeqësojë më tej situatën në këtë aspekt, duke qenë se një pjesë të konsiderueshme të furnizimeve me naftë vendi i ka nga Rusia.
Ndërkohë për shumë qytetarë, çmimi i naftës në këto nivele është i papërballueshëm.
