Lideri historik i PD-së Sali Berisha, në fjalën e mbajtur në Peshkopi, ku prezantoi kandidatin për Shtëpinë e Lirisë për Bashkinë e Dibrës, Premtim Kryemadhi, foli edhe për Skavicën.
Berisha theksoi se nëse dibranët votojnë Premtim Kryemdhin, Skavica nuk ndërtohet pa qeverinë vendore.
“Kandidati i Ramës për Dibrën është me dy fytyra. Edi Rama ka prioritet qeveritarët dhe jo qytetarët. Rama e varfëroi vendin, në vitet e fundit u larguan nga Shqipëria shumë shqiptarë, që të gjithë për kushtet e vështira të jetesës.
Edi Rama i ka bërë Dibrës atë që s’ia ka bërë asnjë pushtues, duke mbytur nën ujë Dibrën më pjellore, Dibrën historike, vendorigjinën e Skënderbeut, të mbysë nën ujë dhjetëra fshatra, përfshirë shtëpi e varreza, për të prodhuar disi energji më shumë me Hidrocentralin e Skvicën. Skavica nuk duhet ndërtuar kurrë në variantin që përmbyt fshatrat e Dibrës. Nëse votoni Premtim Kryemadhin, Rama nuk e ndërton kurrë Skavicën”, u shpreh Berisha.
