Ministri i Jashtëm ukrainas, Dmytro Kuleba tha se nëse Rusia përdor armë bërthamore kundër Ukrainës, kjo do të jetë një “katastrofë për botën”.
“Por ne nuk do thyhemi,” pohoi ai.
Komenti i tij erdhi pasi presidenti rus Vladimir Putin urdhëroi ushtrinë ruse të vendoste forcat e saj bërthamore në “gadishmëri speciale”, niveli më i lartë i gatishmërisë.
Duke folur në një konferencë shtypi, Kuleba tha: “Ky urdhër nga presidenti Putin erdhi menjëherë pasi u bë njoftimi për dy delegacione të gatshme për t’u takuar [për bisedime]”.
“Ne e shohim këtë njoftim apo këtë urdhër si një përpjekje për të ngritur stekën dhe për të bërë presion shtesë mbi delegacionin ukrainas. Por ne nuk do të dorëzohemi para këtij presioni. Ne do t’i qasemi këtyre bisedimeve me një qasje shumë të thjeshtë. Ne shkojmë atje për të dëgjuar [çfarë] ka për të thënë Rusia dhe do t’u tregojmë atyre se çfarë mendojmë për gjithë këtë”, shtoi ai.
