Fatri Braha, polici i arrestuar një ditë më parë në kuadër të operacionit për goditjen e grupit që trafikonte të vjedhura nga Kosova dyshohet se ka ndihmuar anëtarët e tij të kalonin në kufi pa u regjistruar në sistemin Tims.
ABC mëson se Braha akuzohet për shpërdorim detyre por si pjesëtar i grupit kriminal. Prandaj gjykata ka vendosur masën e sigurisë arrest shtëpie, ndërsa pjesa tjetër janë lënë në burg.
Në kuadër të operacionit që u finalizua dje u arrestuan 7 persona, 3 prej të cilëve punonjës policie. Drejtuesi kryesor i grupit ishte shtetasi Selaudin Shahini, i cili në bashkëpunim me lidhje të tij familjare dhe shoqërore kishte krijuar një rrjet personash që trafikonin mjete motorike nga Kosova për në Shqipëri.
Ndricim Shahini me lidhjet e tij shoqërore në shtetin e Kosovës siguronte vjedhjen e automjeteve të markave të ndryshme në këtë shtet.
Më pas, personat e tjerë të grupit, ofronin ndihmën në forma e metoda bashkëpunuese dhe bënin transportin e këtyre mjeteve nga shteti Kosovës për në Shqipëri nëpërmjet Pikës së kalimit Kufitar Morinë – Kukës.
Të arrestuarit:
Ndricim Shahini (kushëri i Selaudinit),
Ervis Cara, (kushëri i Ndricimit)
Aurel Shatri (shok i Ervisit)
Vojsava Doda (Punonjëse e Policisë – Lidhje e Selaudinit)
Endi Ahmetaj (Punonjës i Policisë – Lidhje e Selaudinit)
Fatri Braha (Punonjës i Policisë)
