Qytetarë të shumtë u mblodhën në shenjë proteste përpara ambasadës ruse në Tiranë, pasditen e kësaj të Diele.
Ata bënë thirrje që të ndalet agresioni rus i cili deri tani raportohet se u ka marrë jetën dhjetra civilëve dhe qindra ushtarëve.
Për të kundërshtuar sulmin rus ndaj Ukrainës, – sulmi i cili vijon për katër ditë me radhë -, demostruesit shpalosën një flamur të madh, ukrainas.
“Stop luftës”, “Putin, terapia kushton më shumë se lufta”, “Bota duhet ta ndalojë Rusinë”, janë disa nga parnkartat në duart e protestuesve.
“Ukraina do fitojë”, “Putin hitler”, “I stand with Ucraine”, ishin disa nga thirrjet e qytetarëve.
I pranishëm në protestë ishte dhe ambasadori Ukrainas në Tiranë i cili bëri apel të ndalohet lufta. Ai tha se 16 fëmijë kanë humbur jetën nga luftime.
Protesta të ngjashme janë zhvilluar në qytete të ndryshme të botës, madje edhe në Rusi.
