Burimet zyrtare nga Kiev bëjnë me dije se u kanë thënë jo bisedimeve sepse kushtet nga Moska janë të papranueshme.
“Sapo mësova se Ukraina refuzoi të negociojë”, por kjo ndodhi “sepse pala ruse ka ndryshuar kushtet përmes ndërmjetësve” dhe për Kievin janë kushte “të papranueshme”, tha Oleksiy Arestovich, këshilltar i presidencës ukrainase. Kjo erdhi menjëherë pasi Kremlini bëri të ditur se ofensiva rifilloi për shkak të mospranimit të bisedimeve nga ana e Kievit. “Ishte një përpjekje për të na detyruar të dorëzohemi – shtoi ai -. Ne i sinjalizuam palës ruse se kushtet për një traktat të mundshëm paqeje janë të mundshme në kushtet e Kievit, jo ato të Moskës”.
