Xhemal Bushati, i cili garon në siglën e PD për kryebashkiak të Shkodrës në zgjedhjet e 6 marsit, në vijim të fushatës elektorale, është takuar me gratë dhe vajzat e këtij qyteti, ku premtoi se do të bashkëdrejtojë bashkinë me to.
Bushati tha se do të sjell një model tjetër, atë të përkushtimit për Shkodrën duke patur në vëmendje fuqizimin e rolit të gruas.
“Shpalosëm një tjetër model për Shkodrën. Modelin e përkushtimit dhe të dashnisë për Shkodrën përballë modelit të interesave dhe përplasjes.
Jemi me fat që në këtë mision tonin për Shkodrën kemi bekimin e nënave dhe guximin e grave shkodrane.
Kjo është Super Shkodra që të gjithë njohim, Super Shkodra që të gjithë duam!”, shkruan Bushati në rrjetet sociale, lidhur me takimin.
