Dy persona janë arrestuar lidhur me vrasjen e Altin Alikajt në Vlorë.
Policia ka vënë në pranga autorin e dyshuar të vrasjes, si edhe një shtetas tjetër që dyshohet për përkrahje të autorit të krimit.
Gjatë operacionit “NDËSHKIMI” u arrestua Shazi Ahmetaj, 23 vjeç, banues në Kolonjë të Lushnjës, me precedentë të mëparshëm kriminalë në fushën e narkotikëve dhe të vjedhjes, si edhe arrestimi në flagrancë i shtetasit Mateo Kiptiu 30 vjeç, banues në Kolonjë të Lushnjes, për veprën penale “Përkrahja e autorit të krimit.
Shazi Ahmetaj dyshohet si autor i vrasjes se shtetasit Altin Aliraj, i cili u gjet pa shenja jete në banesën e tij, ndërsa shtetasi Mateo Kiptiu dyshohet se ka ndihmuar autorin për t’u fshehur, duke i siguruar një mjet të marrë me qira për lëvizjen e tij.
Në momentin e ndalimit, Ahmetatj iu gjet dhe iu sekuestrua në cilësinë e provës materiale 40.5 gram lëndë narkotike e dyshuar e llojit heroinë.
Vazhdojnë veprimet hetimore për të përcaktuar motivet e këtij krimi të rëndë, si dhe për identifikimin e personave të tjerë, që mund të jenë të implikuar në këtë ngjarje, njofton policia.
Lexo edhe:
