Kryeministri Edi Rama u pyet sot se çfarë do të ndodhte me Ballkanin e Hapur nëse Serbia mbështeste Rusinë, ndërsa nuk dha një përgjigje të prerë, por tha se situata po precipiton me orë dhe do të shohim shumë gjëra, jo në raport me Serbinë, por me këtë proces.
“Do shohim në vijim shumë gjëra, jo në raport me Serbinë por me këtë process sepse jemi në kushtet që nga ora në orë, mos e dhëntë Zoti por mund të shohim zyrtarë të vrarë ose marrë peng të Ukrainës.
Do shohim dinamikat dhe si do sillet BE, SHBA me vendet e tjera neutrale ose me dy këndvështrime. S’kemi asnjë arsye të ngutemi, Ballkani i Hapur nuk është si BE e vogël apo aq më pak krijimi i një Jugosllavie të re, nuk po përputhim miqësitë. Ne nuk e ndryshojmë qëndrimin ndaj Moskës!
Nga ana tjetër nuk jemi këtu për të kërkuar që Serbia të bëjë këtë, marrëdhëniet tona janë rajonale. Mos të harrojmë që Open Ballkan është shumë më tepër se një projekt lokal, është i mbështetur shumë fort nga SHBA dhe shumë aleatë të tjerë”, tha Rama.
