Presidenti Ilir Meta do të mbledhë Këshillin e Sigurisë Kombëtare pasditen e sotme pas sulmit të Rusinë ndaj Ukrainës.
Lajmin e konfirmoi zëdhënësi i Metës, Tedi Blushi.
“Pas agresionit rus në Ukrainë, Presidenti i Republikës Sh.T.Z Ilir Meta mbledh sot Këshillin e Sigurisë Kombëtare në ora 17:30”, shkruan ai në një postim në Twitter.
Më herët, Meta ka dënuar sulmin e Rusisë ndaj Ukrainës.
“Shqipëria dënon sulmin e pajustifikueshëm të Rusisë ndaj Ukrainës, duke shkelur ligjin ndërkombëtar dhe duke kërcënuar jetën e civilëve të pafajshëm. I bëjmë thirrje Rusisë të tërhiqet nga veprimet ushtarake kundër integritetit territorial dhe sovranitetit të Ukrainës!
Shqipëria qëndron me Ukrainën dhe popullin e saj në këtë orë të errët”, u shpreh Meta.
