Gigi Becali është një nga personazhet më kontravers të futbollit rumun. Pronar i ekipit të famshëm të Steaua Bukuresht, ka bërë një deklaratë të çuditshme duke dale tërësisht kundër rrymës.
Pronari i klubit të futbollit me shumë tituj në Rumani ka deklaruar se nuk do të pranojë lojtarë të vaksinuar kundër covid-19 dhe se do të largojë ata që e kanë bërë.
Sipas tij, lojtarët e vaksinuar humbin fuqi dhe nuk rezistojnë gjatë në fushë teksa këto fjalë kanë nervozuar së tepërmi autoritetet vendore.
“Ndoshta ju do të qeshni por unë kam të drejtë. Lojtarët e vaksinuar humbasin fuqi, është diçka shkencore. I keni parë lojtarët e Cluj ndaj Rapid? Ata sikur po flinin në fushë. I keni parë lojtarët e mi? Ciprian Deac? Ai nuk është më një furi në fushë. Edhe Claudiu Keseru, nuk mund të luajë më në nivele të larta, jo te Steaua të paktën”, u shpreh në intervistën e tij Becali.
Fjalët e tij kanë shkaktuar polemika ndërkohë që qeveria rumune po intensifikon fushatat e vaksinimit pasi norma e imunizimit mbetet e dyta në Europë për vaksinimin më të ulët.
